[size=24]لقد تغير واجهة موقع نيوبكس ولكن نفس طريقة التسجيل
بعض الاستفسارات
ما هو الريفيرال ؟!
الريفيرال referral
فى مجال الربح من الانترنت هو الشخص اللى مسجل تحتك فى الموقع.
وهو دة الشخص اللى بيكسبك فلوس .. بمعنى ان كل ما عدد الناس اللى مسجلين تحتك يزيد كل ما يزيد مكسبك.
والريفيرال نوعان:
النوع الاول ريفيرال مباشر Dircet
بعد اول دولار توصله بمجهودك .. الموقع بيديلك لينك (رابط) زى ده
كل ما واحد يسجل عن طريق الرابط بتاعك بيبقى ريفيرال مباشر ليك .. وبتكسب من كل ضغطة يدوسها 0.05 سنت
النوع الثانى ريفيرال مؤجر Rented
وهنا الربح الحقيقى اللى ممكن مع شوية صبر يوصل الآف الدولارات.
بتكسب على كل اعلان يشوفه 0.5 سنت يعنى 10 اضعاف الريفيرال المباشر.
الموقع بيسمحلك انك تأجر الناس اللى اشتركوا فى الموقع من غير ما يستخدموا اللينك بتاع حد.
سعر التأجير الشهرى.. 20 سنت للواحد ..
والمكسب لو شاف 4 اعلانات يوميا = 4 * نص سنت للاعلان * 30 يوم = 60 سنت شهريا.
وهنا يبدأ اللعب ..
بعد 20 يوم من اشتراكك فى الموقع ومشاهدة الاعلانات هيكون معاك 60 سنت .. تقدر تأجر بيهم 3 ..
ال 3 دول يجيبولك 180 سنت + 120 سنت من ضغطاتك الشخصية
تأجر بيهم 10 .. ومن مكسبهم تأجر اكتر
وهكذا ..
وكل ما عدد الناس اللى انت مأجرهم يزيد .. مكسبك بيزيد ..
وفى ناس قديمة فى الموضوع دة بتأجر بالمئات والالآف وكمان عشرات الالآف .. تخيل بيكسبوا اد اية!
بس طبعا الموضوع محتاج صبر وتخطيط.
انت ممكن تعتمد على الريفيرال المؤجرين بس .. لكن دة هياخد منك وقت شوية
لكن لو جبت شوية ريفيرال ديركت ( 10 مثلا ) .. دة هيسرع الموضوع جدا وهيساعدك تأجر اسرع ومكسبك يزيد بسرعة.
عشر سنت للضغطة .. 0.05 سنت لضغطة الريفيرال .. هو انا كدة هكسب حاجة ؟!
قبل ما نجاوب على السؤال ده خلينى الاول اقولك الموضوع كله عباره هم ايه!
لو واحد عايز يأسس شركة كبيرة بيعمل ايه؟!
اولا: بيشتغل شويه فى الاول لحد ما يعمل رأس مال كويس يقدر يبدأ بيه شركة صغيرة ويكبرها مع الوقت.
ثانيا: بيدور على موظفين اكفاء .. وبيكونوا دول بذرة الشركة والدفعة القوية ليها.
ثالثا: بيأجر عمال ويدفع لهم مرتب شهرى ويقعد على كرسى ويحط "رجل على رجل" ويدير العمال دول .. ويدير الشركة بتاعتة لحد ما تكبر وتكبر مع الوقت والادارة الجيدة.
طيب تعالى نطبق الكلام دة على نيوبكس!
لحسن الحظ ان رأس المال المطلوب هو 60 سنت فقط .. يعنى مجهودك للحصول على رأس المال هو مشاهدة اعلانات يوميا لمدة 20 يوم ..
والموظفين الكفاءة اللى هيكونوا نواة الشركة هم الديركت ريفيرال ( الريفيرال المباشرين ).. ودول ممكن يكونوا من الاقارب او الاصحاب او الجيران .. يعنى ممكن تبتدى ب 10 مثلا ودول هيدوك الدفعة الاولى.
اما بالنسبة للعمال .. انت تقدر تأجر اول ما توصل ل 60 سنت = 3 عمال وكل شهر مكسبك بيزيد وبتقدر تأجر عمال اكتر و اكتر ..
تخيل لو شركتك فيها ألف عامل .. او 10 الآف عامل مثلا .. ساعتها هيكون همك ادارتهم بس .. وانت قاعد مرتاح.
والناس فى البيزنس دة 3 انواع: -
واحد بيقع وهو بيجمع رأس المال ..( ايوة فى ناس بتقع قبل ما تكمل 20 يوم ما تستغربش ) ودة بيلاقى رصيده بيزيد بالسنت .. وهو اصلا باصص للسنت وناسى انه بيعمل رأس مال علشان يشتغل شغل كبير .. ف دة بيزهق و يخلع بدرى بدرى.
- النوع التانى من الناس دة بيعتمد على التأجير بس .. يعنى مش بيجيب ريفيرال مباشر ( ولا حتى ال 10 اصحابه وقرايبه المقربين ).. دة انسان ناجح .. بس الموضوع هياخد معاه كام شهر لحد ما يكسب كويس.. والنوع دة كويس واغلبه من الناس اللى معندهاش وقت تجيب ريفيرال مباشر .. بس بيكسب كويس لو استمر
- النوع التالت ( انا بسميه السوبر ) دة واحد شغال بأديه وسنانه .. بيشوف الاعلانات كل يوم ..وبيقول للناس اللى حواليه ويخليهم يسجلوا عن طريقه .. وبيدور على طرق جديدة وناس جديدة علشان يشرحلهم الموضوع ويكسب ويكسبهم. وفى نفس الوقت عامل لنفسة خطة وحاطط هدف .. بيكسب فلوس ويكبر بيها شغله ويأجر عمال (ريفيرال) اكتر واكتر .. محدش يقدر يتخيل مدى احساسه بالنجاح مع كل ريفيرال جديد يسجل عن طريقة .. ومحدش يقدر يغلبه فى التأجير وتوسيع شركته .. وشاطر فى ادارة العمال والموظفين اللى عندة .. ودة طبعا بيكسب كتير ويوسع ارباحه فى وقت قليل .. وهو دة السوبر.
بعد الكلام ده كله .. نرجع للسؤال اللى فى عنوان الموضوع .. هو انا كدة هكسب حاجة ؟؟
اظن ان كل واحد يقدر يعرف نفسة ويجاوب على السؤال.
الرئيسية 
